💫 തിളങ്ങുന്ന പക്ഷിയും മായാലോകവും 🐦

💫 തിളങ്ങുന്ന പക്ഷിയും മായാലോകവും 🐦

കാത്തിരുന്നുറങ്ങിപ്പോയ അവൾക്കരികിലേക്ക് കുറച്ചധികം ദിവസങ്ങൾക്ക് ശേഷം പക്ഷി എത്തി. പക്ഷിയുടെ പ്രകാശം അവളുടെ മുഖത്തേക്ക് പ്രതിഭലിച്ചു.കട്ടികൂടിയ കറുത്ത പുരികങ്ങളും മുന്നിലേക്ക് കിടക്കണ നീളം കുറഞ്ഞ നീല കലർന്ന മുടികളും പക്ഷി കൗതുകത്തോടെ നോക്കി നിന്നു. കുറച്ചു നിമിഷങ്ങൾക്ക് ശേഷം പക്ഷി ചിറകടിച്ചു.പക്ഷിയുടെ പ്രകാശം കൂടി വന്നു... ചിറകടി ശബ്ദം കേട്ട അവൾ കണ്ണുകൾ തുറന്നു.. പക്ഷി, അവളുടെ വലിയ കണ്ണുകളിലും അവൾ, പക്ഷിയുടെ കുഞ്ഞു കണ്ണുകളിലും പരസ്പരം നോക്കിയിരുന്നു. അവളുടെ കണ്ണുകൾ നിറഞ്ഞിരുന്നു.ആനന്ദക്കണ്ണുനീരോ അതോ വിരഹത്തിൻ മിഴിനീരോ...? എന്തായാലും ആ കണ്ണീരിനർത്ഥം പക്ഷിയുടെ ഹൃദയമിടിപ്പ് പതിനായിരമിരട്ടിയാക്കി.അന്നത്തെ ദിവസം അവർ ഒന്നും സംസാരിച്ചില്ല.പരസ്പരം കണ്ണിൽ നോക്കി ഭാഷയ്ക്കപ്പുറം ഒരുപാട് അർത്ഥങ്ങൾ നിറഞ്ഞ ആശയങ്ങൾ കൈമാറി...

                          തുടരും......